25 Aug 2012
புதுடெல்லி:2008-ஆம் ஆண்டு முதல் 2012-ஆம் ஆண்டு வரை 95 லட்சத்திற்கும் அதிகமான முஸ்லிம் மாணவர்களுக்கு ப்ரீமெட்ரிக் ஸ்காலர்ஷிப் (1 முதல் 10 வரையிலான வகுப்புகளில் பயிலும்) வழங்கப்பட்டதாக மத்திய சிறுபான்மை விவகாரத்துறை இணை அமைச்சர் வின்செண்ட் ஹெச்.பால் தெரிவித்துள்ளார்.
கூடுதல் மாணவர்களுக்கு பலன் கிடைப்பதற்கு ஸ்காலர்ஷிப்புக்கான தொகை இவ்வாண்டு 50 சதவீதம் அதிகரிக்கப்பட்டுள்ளது என்று அவர் கூறினார்.
2011-ஆம் ஆண்டு 600 கோடி ரூபாய் ஒதுக்கீடுச் செய்யப்பட்டது. இவ்வாண்டு முதல் 900 கோடியாக உயர்த்தப்பட்டுள்ளது. போஸ்ட் மெட்ரிக் ஸ்காலர்ஷிப்புக்கும்(11-ஆம் வகுப்பு முதல் பி.ஹெச்.டி வரை) கூடுதல் தொகை ஒதுக்கீடுச் செய்யப்பட்டுள்ளது. 2011-ஆம் ஆண்டு 450 கோடி ரூபாய் ஒதுக்கீடு செய்யப்பட்டது. 2012-ஆம் ஆண்டு 500 கோடி ரூபாயும், மெட்ரிக் கம் மீன்ஸ் பெய்டு ஸ்காலர்ஷிப் திட்டத்திற்கு (தொழில்நுட்ப பட்டப்படிப்பு மற்றும் பட்டமேற்படிப்பு) 220 கோடி ரூபாயும் ஒதுக்கீடுச் செய்யப்பட்டுள்ளது என்று அமைச்சர் கூறினார்.
கருத்துகள் இல்லை:
கருத்துரையிடுக