துபாய்: காதல் நினைவு சின்னம் தாஜ்மகாலை போல, 4 மடங்கு பெரிதாக
தாஜ்மகாலை உருவாக்க கட்டுமான நிறுவனத்தினர் திட்டமிட்டுள்ளனர். உத்தர பிரதேசம் மாநிலம் ஆக்ராவில் அமைந்துள்ள தாஜ்மகால் உலக அதிசயங்களில் ஒன்றாக இடம்பெற்றுள்ளது. காதல் மனைவி மும்தாஜுக்காக முகலாய மன்னர் ஷாஜகான் கட்டிய அந்த தாஜ்மகால் போல், 4 மடங்கு பெரிதாக இன்னொரு தாஜ்மகாலை துபாயில் கட்ட கட்டுமான நிறுவனங்கள் திட்டமிட்டுள்ளன. இதற்காக ரூ.5,400 கோடியில் பிரமாண்ட திட்டம் தயாரிக்கப்பட்டுள்ளது.
பத்து லட்சம் சதுர அடியில் பிரமாண்டமாக ''தாஜ் அரேபியா'' கட்டப்பட உள்ளது. தாஜ்மகால் போன்ற கட்டிடம் மட்டுமன்றி 300 அறைகள் கொண்ட ஓட்டல், வர்த்தக நிறுவனங்களும் இந்த வளாகத்தில் இடம்பெற உள்ளன. இதுகுறித்து லிங்க் குளோபல் என்ற கட்டுமான நிறுவனம் கூறுகையில், ''தாஜ்மகாலை போல் 4 மடங்கு பெரிதாக துபாயில் இன்னொரு கட்டிடம் 2014ம் ஆண்டுக்குள் கட்டி முடிக்கப்படும். தவிர பால்கன் சிட்டியில் தாஜ்மகால் போன்ற இன்னொரு கட்டிடத்தை 36.5 பில்லியன் செலவில் கட்டவும் திட்டமிட்டுள்ளோம்'' என்று தெரிவித்துள்ளது.
கருத்துகள் இல்லை:
கருத்துரையிடுக